Poslovne vijesti - Makedonija

Исплатени 4,1 милиони евра субвенции за земјоделците

Министерството за финансии вчера исплати 254.430.205 денари, односно 4,1 милиони евра, за субвенции за повеќе земјоделски гранки.

Исплатени се 85 милиони денари за одржување на постоечки лозови насади, 2,9 милиони денари за нови лозови насади, како и 84 милиони денари за тутун за реколтата 2011. За одржување на овошни насади исплатени се 15 милиони денари, како и 9,8 милиони денари за нови овошни насади, додека за поддршка на градинарството 13,5 милиони денари. Исто така, исплатени се субвенции за одгледување на ориз, сончоглед, пченка и фуражни култури, за кравјо млеко, обележани грла говеда и пчели.

Како што соопштуваат од Министерството за финансии, со исплата на субвенциите Владата и Министерството за финансии остануваат посветени на подигнување на овој сектор, клучен за македонската економија.

На почетокот на минатиот месец беа исплатени 5,3 милиони евра субвенции на 11.580 земјоделци за предадено грозје, за лозови насади, овошни насади, за тутун, за овци, за говеда, за кози, за пчели и за градинарски култури. Претходно, во март, Владата во рок од еден месеци исплати над 50 милиони евра субвенции за 83.857 земјоделци.

Од Министерството за финансии информираат дека исплатата на субвенциите за земјоделците се одвива редовно и според предвидената динамика.